Family: బెడ్ పై ఉన్న తాతను ఉత్సాహ పరిచేందుకు పంజాబీ చిన్నారుల డ్యాన్స్

• చిన్నారులు, పెద్దలు కలసి ‘3పెగ్’ పాటకు డ్యాన్స్
• దీనికి ఉత్సాహంగా స్పందించిన పెద్దాయన
• వీడియోను షేర్ చేసిన ఐపీఎస్ అధికారి దలివాల్

---

ఓ పెద్దాయన అనారోగ్యంతో బెడ్ పై చికిత్స తీసుకుంటున్నాడు. ఆయన్ను సంతోష పెట్టేందుకు, ఉత్సాహపరిచేందుకు పంజాబీ కుటుంబ సభ్యులంతా డ్యాన్స్ చేసిన వీడియో ఒకటి సామాజిక మాధ్యమాల్లో వైరల్ అవుతోంది. ఈ వీడియోను ఐపీఎస్ అధికారి హెచ్ జీఎస్ దలివాల్ ట్విట్టర్ లో షేర్ చేశారు. 
టర్బాన్ ధరించిన యువకుడు, మరో చిన్నారి కలసి షారీమన్ ‘3పెగ్’ పాటకు డ్యాన్స్ చేశారు. ఆ యువకులతోపాటు వారి అమ్మ, మరో అవ్వ కూడా డ్యాన్స్ చేయడాన్ని వీడియోలో చూడొచ్చు. అంతేకాదు, ఆ అవ్వ బెడ్ పై ఉన్న తాత చేయి పట్టుకుని మరీ స్టెపులు వేసింది. దీనికి ఆ పెద్దాయన కూడా చేయిని అటూ ఇటూ కదిలిస్తూ ఉత్సాహం ప్రదర్శించారు. ఈ వీడియోను ఇప్పటివరకు 2.45 లక్షల మంది చూశారు.