Telangana: తెలంగాణ ఇంటర్ పరీక్షా ఫలితాల విడుదల రేపే
- రేపు ఉదయం 11 గంటలకు ఫలితాలను విడుదల చేయనున్న సబితా ఇంద్రారెడ్డి
- ఫలితాల కోసం నిరీక్షిస్తున్న 9,07,393 మంది విద్యార్థులు
- మే 6 నుంచి 24 వరకు జరిగిన పరీక్షలు
తెలంగాణ ఇంటర్ పరీక్షా ఫలితాలు రేపు విడుదల కానున్నాయి. రాష్ట్ర విద్యాశాఖ మంత్రి సబితా ఇంద్రారెడ్డి రేపు ఉదయం 11 గంటలకు పరీక్షా ఫలితాలను విడుదల చేస్తారని ఇంటర్ బోర్డు అధికారులు తెలిపారు. ఈ మేరకు ఇంటర్ బోర్డు నుంచి ప్రకటన వెలువడింది. tsbie.cgg.gov.in లేదా results.cgg.gov.in లేదా examresults.ts.nic.in వెబ్ సైట్లలోకి ఎంటరై ఫలితాలను చూసుకోవచ్చు. ఈ ఏడాది ఇంటర్ ఫస్టియర్, సెకండియర్ కలిపి మొత్తం 9,07,393 మంది విద్యార్థులు పరీక్షలు రాశారు. వీరిలో వొకేషనల్ విద్యార్థులు కూడా ఉన్నారు. మే 6 నుంచి 24 వరకు పరీక్షలు జరిగాయి.
