Samantha: కేటీఆర్ ఇన్స్టాగ్రామ్ పోస్ట్ కు లైక్ కొట్టిన సమంత
- కేంద్రానికి వ్యతిరేకంగా ఇన్స్టాలో పోస్ట్ చేసిన కేటీఆర్
- దేశానికి కావాల్సింది డబుల్ ఇంజిన్ ప్రభుత్వాలు కాదన్న కేటీఆర్
- తెలంగాణ చేనేతకు బ్రాండ్ అంబాసడర్ గా పని చేసిన సమంత
టాలీవుడ్ ముద్దుగుమ్మ సమంత ఇప్పుడు బాలీవుడ్ లో సైతం దూసుకుపోతోంది. వరుస ఆఫర్లతో బాలీవుడ్ లో సెటిల్ అయ్యేందుకు యత్నిస్తోంది. మోస్ట్ పాప్యులర్ పాన్ ఇండియా హీరోయిన్ గా ఓ సర్వేలో సమంత టాప్ పొజిషన్ లో నిలిచిందంటే ఆమె రేంజ్ ఏ స్థాయిలో ఉందో అర్థం చేసుకోవచ్చు. మరోవైపు సమంత మరోసారి హెడ్ లైన్స్ లో నిలిచింది.
ఇన్స్టాగ్రామ్ లో కేటీఆర్ చేసిన ఒక పోస్ట్ కు ఆమె లైక్ కొట్టింది. కేంద్ర ప్రభుత్వానికి వ్యతిరేకంగా కేటీఆర్ ఈ పోస్ట్ చేశారు. ఇన్స్టాలో కేటీఆర్ చేసిన పోస్ట్ ఏమిటంటే... 'దేశ జనాభాలో కేవలం 2.5 శాతం జనాభా మాత్రమే ఉండే తెలంగాణ... దేశ జీడీపీలో 5 శాతాన్ని అందిస్తోంది. (సోర్స్: ఆర్బీఐ రిపోర్ట్ అక్టోబర్ 2021). ఈ దేశానికి కావాల్సింది డబుల్ ఇంజిన్ ప్రభుత్వాలు కాదు. డబుల్ ఫలితాలను ఇచ్చే పాలన' అని ఆయన పోస్ట్ చేశారు. ఈ పోస్ట్ కు సమంత లైక్ కొట్టింది. తెలంగాణ చేనేతకు సమంత బ్రాండ్ అంబాసడర్ గా వ్యవహరించిన సంగతి తెలిసిందే.
