Andhra Pradesh: ఢిల్లీ ప‌ర్య‌ట‌న‌కు బ‌య‌లుదేరిన ఏపీ సీఎం జగన్
- గ‌న్న‌వ‌రం నుంచి ప్ర‌త్యేక విమానంలో బ‌య‌లుదేరిన జగన్
- రెండు రోజులు ఢిల్లీలోనే ఉండ‌నున్న ఏపీ సీఎం
- హైకోర్టు ప్ర‌ధాన న్యాయ‌మూర్తులు, సీఎంల స‌మావేశానికి హాజ‌రు
ఏపీ సీఎం వైఎస్ జగన్ మోహ‌న్ రెడ్డి ఢిల్లీ ప‌ర్య‌ట‌న‌కు శుక్ర‌వారం సాయంత్రం బ‌య‌లుదేరారు. తాడేప‌ల్లిలోని త‌న నివాసం నుంచి గ‌న్న‌వ‌రం ఎయిర్‌పోర్టుకు చేరుకున్న జగన్ ప్ర‌త్యేక విమానంలో ఢిల్లీ బ‌య‌లుదేరారు. ఈ ప‌ర్య‌ట‌న‌లో భాగంగా జగన్ రెండు రోజుల పాటు ఢిల్లీలోనే ఉండ‌నున్నారు.
కోర్టులు-మౌలిక స‌దుపాయాల పేరిట శ‌నివారం ముఖ్య‌మంత్రులు ఆయా రాష్ట్రాల హైకోర్టుల ప్ర‌ధాన న్యాయ‌మూర్తుల‌తో సుప్రీంకోర్టు ప్ర‌ధాన న్యాయ‌మూర్తి జ‌స్టిస్ ఎన్వీ ర‌మ‌ణ ఆధ్వ‌ర్యంలో జ‌ర‌గ‌నున్న స‌మావేశానికి జగన్ హాజ‌రుకానున్నారు.
