Chandrababu: చంద్రబాబుతో కలిసి ఉన్న రేర్ ఫొటోను షేర్ చేసిన చిరంజీవి!
- ఈరోజు 73వ పడిలో అడుగుపెట్టిన చంద్రబాబు
- చంద్రబాబుకు పుట్టినరోజు శుభాకాంక్షలు తెలిపిన చిరంజీవి
- కలకాలం ఆయురారోగ్యాలతో ఉండాలని ఆకాంక్షించిన మెగాస్టార్
నేడు టీడీపీ అధినేత చంద్రబాబు పుట్టినరోజు. ఈరోజు ఆయన 73వ పడిలోకి అడుగుపెట్టారు. ఈ సందర్భంగా ఆయనకు సినీ, రాజకీయ ప్రముఖుల నుంచి శుభాకాంక్షలు వెల్లువెత్తుతున్నాయి. ఈ క్రమంలో చంద్రబాబుకు మెగాస్టార్ చిరంజీవి జన్మదిన శుభాకాంక్షలను తెలియజేశారు.
'శ్రీ నారా చంద్రబాబు నాయుడు గారికి జన్మదిన శుభాకాంక్షలు. వారు కలకాలం సంపూర్ణ ఆయురారోగ్యాలతో ఉండాలని, అలా ఆశీర్వదించమని ఆ భగవంతుడిని ప్రార్థిస్తున్నాను' అని ట్వీట్ చేశారు. దీంతోపాటు గతంతో చంద్రబాబుతో కలిసి దిగిన పాత ఫొటోను షేర్ చేశారు.
