china jeeyar: త్రిదండి చిన జీయర్ స్వామిని అరెస్టు చేయాల్సిందేనంటూ ఆయ‌న దిష్టిబొమ్మ‌లు దగ్ధం
- అమ్మవార్లపై ఆయ‌న అనుచిత వ్యాఖ్యలు చేశార‌ని ఆగ్ర‌హం
- కాకతీయ యూనివర్సిటీ మొదటి గేట్ నుంచి ర్యాలీ
- కేయూ జంక్షన్ వరకు చిన జీయర్ స్వామి దిష్టిబొమ్మతో కొన‌సాగింపు
సమ్మక్క-సారక్క అమ్మవార్లపై శ్రీ‌శ్రీ‌శ్రీ త్రిదండి చిన జీయర్ స్వామి చేసిన అభ్యంత‌ర‌క‌ర వ్యాఖ్యలు క‌ల‌క‌లం రేపుతోన్న విష‌యం తెలిసిందే. ఇప్ప‌టికే ఆ వ్యాఖ్య‌ల‌పై చిన జీయర్ స్వామి వివ‌ర‌ణ ఇచ్చిన‌ప్ప‌టికీ ఈ వివాదం ఆగ‌డం లేదు. అమ్మవార్లపై ఆయ‌న అనుచిత వ్యాఖ్యలు చేశార‌ని, క్ష‌మాప‌ణ‌లు చెప్పాల్సిందేన‌ని ప‌లువురు డిమాండ్ చేస్తున్నారు.
చినజీయర్ స్వామిని అరెస్ట్ చేయాలని ఆదివాసీ సంఘాలు ఆందోళన కొన‌సాగిస్తున్నాయి. ఈ రోజు వ‌రంగల్‌లోని కాకతీయ యూనివర్సిటీ మొదటి గేట్ నుంచి కేయూ జంక్షన్ వరకు వారు చిన జీయర్ స్వామి దిష్టిబొమ్మతో ర్యాలీ నిర్వహించారు. కేయూ సెంటర్ చేరుకున్న అనంత‌రం చిన జీయర్ స్వామి దిష్టిబొమ్మను దగ్ధం చేశారు.
