RRR: దుబాయ్ లో ఆర్ఆర్ఆర్ ప్రచార కార్యక్రమం... పోటెత్తిన అభిమానులు
- రాజమౌళి దర్శకత్వంలో ఆర్ఆర్ఆర్
- రామ్ చరణ్, ఎన్టీఆర్ ప్రధానపాత్రల్లో భారీ చిత్రం
- ఈ నెల 25న రిలీజ్
- ప్రచార కార్యక్రమాలు ముమ్మరం
- దుబాయ్ వెళ్లిన రాజమౌళి, ఎన్టీఆర్, రామ్ చరణ్
భారీ బడ్జెట్ తో రూపొందించిన ఆర్ఆర్ఆర్ చిత్రం ప్రచారం కోసం రాజమౌళి, ఎన్టీఆర్, రామ్ చరణ్ దుబాయ్ వెళ్లారు. దుబాయ్ జూబిలీ పార్క్ లో ఏర్పాటు చేసిన ఆర్ఆర్ఆర్ ప్రమోషన్ ఈవెంట్ కు అభిమానులు పోటెత్తారు. ఎక్కడ చూసినా ఆర్ఆర్ఆర్ మేనియా కనిపించింది. ఈ నెల 22 వరకు ఆర్ఆర్ఆర్ టీమ్ ప్రచార కార్యక్రమాల్లో పాల్గొంటుంది.
ఈ చిత్రం ఈ నెల 25న ప్రపంచవ్యాప్తంగా విడుదల కానుంది. డీవీవీ ఎంటర్టైన్మెంట్ బ్యానర్ పై రాజమౌళి దర్శకత్వంలో రూపుదిద్దుకున్న ఆర్ఆర్ఆర్ లో రామ్ చరణ్, ఎన్టీఆర్, అలియా భట్, ఒలీవియా మోరిస్, అజయ్ దేవగణ్ తదితరులు నటించారు. ఈ చిత్రానికి కీరవాణి సంగీతం అందించారు. ఇప్పటికే పాటలు విశేష ప్రజాదరణ పొందాయి.
