Road: హైదరాబాదులో సంతోష్ నగర్-సైదాబాద్ రూట్లో ఒక్కసారిగా కుంగిన రోడ్డు
![Road suddenly sinks in Hyderabad](https://imgb.ap7am.com/thumbnail/cr-20220317tn623365e35fe64.jpg)
- సంతోష్ నగర్ వద్ద ఫ్లై ఓవర్ నిర్మాణం
- పిల్లర్ కోసం గుంత తవ్వకం
- ఒక్కసారిగా కుంగి భారీ గుంత ఏర్పడిన వైనం
- వెంటనే స్పందించిన అధికారులు
హైదరాబాదులోని ఓ రహదారి ఉన్నట్టుండి కుంగడంతో అందరూ హడలిపోయారు. సంతోష్ నగర్-సైదాబాద్ రూట్లో ఈ ఘటన జరిగింది. సంతోష్ నగర్ నుంచి ఐఎస్ సదన్ చౌరస్తాకు వెళ్లే రోడ్డులో ఫ్లైఓవర్ నిర్మిస్తున్నారు. అయితే పిల్లర్లు వేసేందుకు రోడ్డు మధ్యలో గుంత తవ్వారు.
అయితే ఆ గుంత ఒక్కసారిగా కుంగి మరింత భారీ గుంత ఏర్పడింది. ఆ సమయంలో వాహనాలేవీ రాకపోవడంతో పెద్ద ప్రమాదం తప్పినట్టయింది. వెంటనే స్పందించిన అధికారులు బారికేడ్లు ఏర్పాటు చేసి వాహనాలను పక్క నుంచి మళ్లించారు.