Twitter: అక్షరాల పరిమితి లేకుండా కొత్త ఫీచర్ తీసుకువస్తున్న ట్విట్టర్!
- మొదట్లో ఓ ట్వీట్ కు 140 అక్షరాల పరిమితి
- తర్వాత ఆ పరిమితిని 280 అక్షరాలకు పెంచిన వైనం
- త్వరలో ఆర్టికల్స్ ఫీచర్
- అక్షరాల పరిమితికి గుడ్ బై
- వ్యాసాలు సైతం పోస్ట్ చేసే వెసులుబాటు
ప్రముఖ సోషల్ నెట్వర్కింగ్ సైట్ ట్విట్టర్ ఆసక్తికర ఫీచర్ తీసుకువస్తోంది. ఈ ఫీచర్ సాయంతో ఎంత పెద్ద వ్యాసాన్నయినా ట్విట్టర్ లో పోస్టు చేయొచ్చు. ఇప్పటివరకు ఉన్న అక్షరాల పరిమితికి ఈ ఫీచర్ తో గుడ్ బై చెప్పేయొచ్చు.
మొదట్లో ట్విట్టర్ లో ఒక పోస్టుకు 140 అక్షరాల పరిమితి ఉండేది. 140 అక్షరాలు దాటితే ట్విట్టర్ లో పోస్టు చేయడం కుదరదు. ఆ తర్వాత కాలంలో ఆ పరిమితిని 280 అక్షరాలకు పెంచారు. అయినప్పటికీ ఏదైనా భారీ సమాచారం పోస్టు చేయాలంటే అనేక ట్వీట్లు చేయాల్సి వచ్చేది.
అయితే కొత్త ఫీచర్ సాయంతో ఆ బాధ తొలగిపోనుంది. 'ఆర్టికల్స్' పేరుతో ట్విట్టర్ త్వరలోనే కొత్త ఫీచర్ ను ప్రవేశపెడుతోంది. మెనూలో దీనికి సంబంధించిన ఆప్షన్ కనిపిస్తుంది. అక్షరాల పరిమితికి సంబంధించి ట్విట్టర్ పై ఎన్నో విమర్శలు వస్తున్నాయి. ఇప్పుడు 'ఆర్టికల్స్' ఫీచర్ తో ట్విట్టర్ ఆ విమర్శలు తొలగించుకునే అవకాశం ఉంది.
