RRR: ముంబయిలో ఘనంగా ఆర్ఆర్ఆర్ ప్రీ రిలీజ్ వేడుక... ముఖ్య అతిథిగా సల్మాన్ ఖాన్
- రాజమౌళి దర్శకత్వంలో ఆర్ఆర్ఆర్
- రామ్ చరణ్, ఎన్టీఆర్ హీరోలుగా భారీ చిత్రం
- కథానాయికలుగా అలియా భట్, ఒలీవియా మోరిస్
- కీలకపాత్రలో అజయ్ దేవగణ్
బాహుబలి చిత్రాల తర్వాత రాజమౌళి నుంచి వస్తున్న చిత్రం ఆర్ఆర్ఆర్. రామ్ చరణ్, ఎన్టీఆర్, అలియా భట్, ఒలీవియా మోరిస్, అజయ్ దేవగణ్ నటించిన ఈ చిత్రం జనవరి 7న రిలీజ్ అవుతోంది. తెలుగు సహా అనేక భాషల్లో ప్రపంచవ్యాప్తంగా ప్రేక్షకుల ముందుకు వస్తోంది. ఈ నేపథ్యంలో ముంబయిలో ఆర్ఆర్ఆర్ ప్రీ రిలీజ్ ఈవెంట్ ఘనంగా జరిగింది. ఈ కార్యక్రమానికి బాలీవుడ్ సూపర్ స్టార్ సల్మాన్ ఖాన్ ముఖ్యఅతిథిగా విచ్చేశారు.
ఈ కార్యక్రమంలో రాజమౌళి, ఎన్టీఆర్, రామ్ చరణ్ తో పాటు చిత్ర సమర్పకుడు, ధర్మా ప్రొడక్షన్స్ అధినేత కరణ్ జోహార్ కూడా హాజరయ్యారు. కాగా, ఈ ప్రీ రిలీజ్ ఈవెంట్ కోసం నిన్న ఏపీ, తెలంగాణ నుంచి భారీగా రామ్ చరణ్ అభిమానులు తరలి వెళ్లారు. ప్రత్యేక బస్సులు ఏర్పాటు చేసుకుని మరీ ముంబయి చేరుకున్నారు.
