Prabhudeva: ప్రభుదేవాతో అనసూయ కోలీవుడ్ ఎంట్రీ!
- వరుస సినిమాలతో బిజీగా అనసూయ
- వచ్చే ఏడాదిలో పెరగనున్న జోరు
- మలయాళ తెరకి పరిచయం
- తమిళ మూవీ 'ఫ్లాష్ బ్యాక్'లో ఛాన్స్
బుల్లితెరకి గ్లామర్ టచ్ ఇచ్చిన అనసూయ, కొంతకాలంగా వెండితెరపై కూడా మెరుస్తోంది. ఒకప్పుడు స్పెషల్ సాంగ్ అంటే అనసూయ గురించి ఆలోచించిన దర్శక నిర్మాతలు, ఇప్పుడు కీలకమైన పాత్రల కోసం ఆమెను సంప్రదిస్తున్నారు. పెద్ద బ్యానర్ల నుంచి .. పెద్ద సినిమాల నుంచి ఆమెకి వరుస అవకాశాలు వస్తున్నాయి.
ఆచార్య .. పుష్ప .. ఖిలాడి .. పక్కా కమర్షియల్ .. రంగమార్తాండ వంటి సినిమాలలో, ప్రాధాన్యత కలిగిన పాత్రలలో అనసూయ కనిపించనుంది. ఈ సినిమా తరువాత ఆమె రేంజ్ మారడం ఖాయమనే అభిప్రాయాలు బలంగానే వినిపిస్తున్నాయి. ఈ నేపథ్యంలో ఆమె మలయాళ తెరకి పరిచయమవుతోంది.
ఇక ఇదే సమయంలో తమిళంలోను ఆమె ఒక సినిమా చేయడానికి గ్రీన్ సిగ్నల్ ఇచ్చింది. ప్రభుదేవా - రెజీనా నాయకా నాయికలుగా నటిస్తున్న ఈ సినిమాలో, అనసూయ ఒక కీలకమైన పాత్రలో కనిపించనుంది. ఈ సినిమాకి 'ఫ్లాష్ బ్యాక్' అనే టైటిల్ ను ఖరారు చేశారు. రమేశ్ పిళ్లై నిర్మిస్తున్న ఈ సినిమాకి శాండీ దర్శకత్వం వహిస్తున్నాడు.
