Adivi Sesh: 'మేజర్' రిలీజ్ డేట్ ఖరారు!
- 'మేజర్' కోసం వేసిన 8 భారీ సెట్లు
- 75 లొకేషన్స్ లో జరిపిన షూటింగు
- 120 రోజుల్లో షూటింగు పూర్తి
- 3 భాషల్లో భారీస్థాయి విడుదల
- ఫిబ్రవరి 11వ తేదీన ప్రేక్షకుల ముందుకు
మొదటి నుంచి కూడా అడివి శేష్ విభిన్నమైన .. విలక్షణమైన పాత్రలను పోషిస్తూ వస్తున్నాడు. ఆయన తాజా చిత్రంగా 'మేజర్' రూపొందింది. మేజర్ సందీప్ ఉన్నికృష్ణన్ జీవితచరిత్ర ఆధారంగా ఈ సినిమాను నిర్మించారు. శశి కిరణ్ తిక్క దర్శకత్వం వహించిన ఈ సినిమాకి మహేశ్ బాబు కూడా ఒక నిర్మాతగా వ్యవహరిస్తున్నాడు.
రీసెంట్ గా షూటింగు పూర్తి చేసుకున్న ఈ సినిమా నిర్మాణానంతర కార్యక్రమాలను జరుపుకుంటోంది. దీపావళి పండుగ సందర్భంగా ఈ సినిమా రిలీజ్ డేట్ ను ఎనౌన్స్ చేశారు. తెలుగుతో పాటు మలయాళ .. హిందీ భాషల్లో ఫిబ్రవరి 11వ తేదీన ఈ సినిమాను విడుదల చేయనున్నట్టు చెప్పారు.
ఈ సినిమా మేకింగ్ కి సంబంధించిన గ్లింప్స్ ద్వారా రిలీజ్ డేట్ ను ప్రకటించడం విశేషం. ఈ సినిమా కోసం 8 సెట్స్ వేయించి .. 75 లొకేషన్స్ లో 120 రోజుల్లో షూటింగును పూర్తి చేసినట్టుగా చెప్పారు. అడివి శేష్ సరసన నాయికలుగా సయీ మంజ్రేకర్ .. శోభిత ధూళిపాళ సందడి చేయనున్నారు. రేవతి ఒక కీలకమైన పాత్రలో కనిపించనున్నారు.
