Shiv Sena: ఆటోడ్రైవ‌ర్ల‌పై శివ‌సేన కార్య‌క‌ర్త‌ల దాడి.. వీడియో వైర‌ల్

• నిన్న మహారాష్ట్ర‌లో బంద్
• నిర్వ‌హించిన‌ శివసేన, ఎన్సీపీ, కాంగ్రెస్
• రోడ్లపై రెచ్చిపోయిన శివ‌సేన కార్య‌క‌ర్త‌లు 
• థానేలో ఆటో డ్రైవ‌ర్ల‌ను క‌ర్ర‌ల‌తో కొట్టిన కార్య‌క‌ర్త‌లు

---

ఉత్తరప్రదేశ్‌లోని లఖింపూర్‌ ఖేరిలో ఇటీవ‌ల రైతుల‌పై చోటుచేసుకున్న హింసాత్మక ఘటనకు నిరసన తెలుపుతూ మహారాష్ట్రలోని సంకీర్ణ ప్రభుత్వంలోని శివసేన, ఎన్సీపీ, కాంగ్రెస్ నిన్న బంద్ కు పిలుపునివ్వ‌డంతో శివ‌సేన కార్య‌క‌ర్త‌లు రోడ్ల‌పై రెచ్చిపోతూ బంద్ ను విజ‌య‌వంతం చేయ‌డానికి ప్ర‌య‌త్నించారు. ఈ క్రమంలో థానే నగరంలో రోడ్ల‌పై ఆటో డ్రైవ‌ర్ల‌పై వారు దాడులు చేస్తుండ‌గా తీసిన వీడియోలు వైర‌ల్ అవుతున్నాయి.

ఆటో డ్రైవ‌ర్ల‌ను శివ‌సేన కార్య‌క‌ర్త‌లు క‌ర్ర‌ల‌తో కొట్టారు. ఓ నేత‌.. ఆటో డ్రైవ‌ర్ చెంపపై కూడా కొట్టారు. శివ‌సేన కార్య‌క‌ర్త‌లు ఆటోడ్రైవ‌ర్ల‌ను ల‌క్ష్యంగా చేసుకుని దాడులు చేయ‌డంతో ఆటో డ్రైవ‌ర్లు భ‌యాందోళ‌న‌ల‌కు గుర‌య్యారు. మ‌రోవైపు, మ‌హారాష్ట్ర‌లో బస్సులు డిపోలకే పరిమితమయ్యాయి. వ్యాపార, వాణిజ్య సముదాయాలు మూతబడ్డాయి.