Pawan Kalyan: ఈ నెల 9న జనసేన తెలంగాణ విభాగం క్రియాశీలక కార్యకర్తలతో పవన్ కల్యాణ్ సమావేశం
![Pawan Kalyan will meet Janasena Telangana wing active members](https://imgb.ap7am.com/thumbnail/cr-20211007tn615ef29ede14e.jpg)
- తెలంగాణలో పార్టీ బలోపేతంపై చర్యలు
- క్రియాశీలక సభ్యులతో చర్చించేందుకు నిర్ణయం
- సంస్థాగత నిర్మాణంపై ప్రత్యేక శ్రద్ధ
- హైదరాబాద్ అజీజ్ నగర్ లో సమావేశం
తెలంగాణలోనూ జనసేన పార్టీని బలోపేతం చేయడంపై ఆ పార్టీ అధినేత పవన్ కల్యాణ్ దృష్టి సారించారు. ఈ నెల 9న హైదరాబాదులో జనసేన తెలంగాణ విభాగం క్రియాశీలక కార్యకర్తలతో సమావేశం కానున్నారు. మధ్యాహ్నం 2 గంటలకు ఈ భేటీ జరగనుంది. ఈ కీలక సమావేశానికి హైదరాబాద్ అజీజ్ నగర్లోని జేపీఎల్ కన్వెన్షన్ సెంటర్ వేదికగా నిలవనుంది. తెలంగాణలో జనసేన కార్యకలాపాలు విస్తృతం చేయడం, పార్టీ సంస్థాగత నిర్మాణం, ప్రజల పక్షాన నిలిచి పోరాడడంపై ఈ సమావేశంలో పవన్ కల్యాణ్ దిశానిర్దేశం చేస్తారు.