Chandrababu: చింతమనేని ప్రభాకర్ ను ఫోన్ లో పరామర్శించిన చంద్రబాబు

దెందులూరు మాజీ శాసనసభ్యుడు చింతమనేని ప్రభాకర్ ను పోలీసులు విడుదల చేసిన అనంతరం చంద్రబాబు స్పందించారు. చింతమనేని ప్రభాకర్ కు ఫోన్ చేసి పరామర్శించారు. అరెస్ట్, విడుదల తదితర పరిణామాలను అడిగి తెలుసుకున్నారు.

ఈ క్రమంలో చంద్రబాబు మాట్లాడుతూ, అక్రమ కేసులతో తమ పార్టీ నేతల గొంతు నొక్కలేరని స్పష్టం చేశారు. ప్రజా సమస్యలపై పోరాడుతున్న చింతమనేనికి అండగా ఉంటామని తెలిపారు. అంతకుముందు, చంద్రబాబు ఏపీ డీజీపీ గౌతమ్ సవాంగ్ కు ఇదే అంశంపై లేఖ రాశారు. టీడీపీ నేతలపై తప్పుడు కేసులు ఎత్తివేయాలని డిమాండ్ చేశారు.