Telangana: తెలంగాణ రోజువారీ కరోనా కేసుల వివరాలు ఇవిగో!
- గత 24 గంటల్లో 74,634 కరోనా పరీక్షలు
- జీహెచ్ఎంసీ పరిధిలో 57 కేసులు
- రాష్ట్రంలో 3 కరోనా మరణాలు
- ఇంకా 6,308 మందికి చికిత్స
తెలంగాణలో గడచిన 24 గంటల్లో 74,634 కరోనా పరీక్షలు నిర్వహించగా, 354 మందికి పాజిటివ్ గా నిర్ధారణ అయింది. గ్రేటర్ హైదరాబాద్ పరిధిలో 57 కొత్త కేసులు నమోదు కాగా, కరీంనగర్ జిల్లాలో 32, నల్గొండ జిల్లాలో 25 కేసులు వెల్లడయ్యాయి. నారాయణపేట, నిర్మల్ జిల్లాలలో ఒక్క కొత్త కేసు కూడా నమోదు కాలేదు.
అదే సమయంలో 427 మంది కరోనా నుంచి కోలుకోగా, ముగ్గురు మరణించారు. తాజా మరణాలతో కలిపి కరోనా మృతుల సంఖ్య 3,861కి పెరిగింది. రాష్ట్రంలో ఇప్పటిదాకా 6,55,343 కరోనా పాజిటివ్ కేసులు నమోదు కాగా... 6,45,174 మంది ఆరోగ్యవంతులయ్యారు. ఇంకా 6,308 మందికి చికిత్స జరుగుతోంది.
