Allu Arjun: తన సిబ్బందికి కరోనా వ్యాక్సిన్ ఇప్పించిన అల్లు అర్జున్
![Allu Arjun vaccinates his team members and their family members](https://imgb.ap7am.com/thumbnail/cr-tn-60a5089d68e2f.jpg)
- ఇటీవలే కరోనా నుంచి కోలుకున్న అల్లు అర్జున్
- తన టీమ్ మెంబర్స్ ఆరోగ్యంపై శ్రద్ధ
- 45 ఏళ్లకు పైబడిన వారికి వ్యాక్సినేషన్
- వారి కుటుంబ సభ్యులకూ డోసులు ఇప్పించిన బన్నీ
- ఏర్పాట్లను స్వయంగా పర్యవేక్షించిన వైనం
టాలీవుడ్ ఐకాన్ స్టార్ అల్లు అర్జున్ ఇటీవల కరోనా నుంచి కోలుకుని ఆరోగ్యవంతులయ్యారు. తాజాగా, ఆయన తన సిబ్బందికి కరోనా వ్యాక్సిన్ ఇప్పించారు. తన టీమ్ లోని 45 ఏళ్లకు పైబడిన వారికి, వారి కుటుంబ సభ్యులకు వ్యాక్సిన్ డోసులు వేయించారు. ఇందుకు అవసరమైన అన్ని ఏర్పాట్లను అల్లు అర్జున్ స్వయంగా పర్యవేక్షించారు. టాలీవుడ్ అగ్రహీరోల్లో సొంతంగా ఓ టీమ్ ను కలిగివున్న వారిలో అల్లు అర్జున్ ఒకడు. వారి బాగోగుల పట్ల ఎంతో శ్రద్ధ చూపిస్తుంటారు. తన టీమ్ లోని అనేకమందికి పుట్టినరోజు వేడుకలను బన్నీ స్వయంగా నిర్వహిస్తుండడం తెలిసిందే.