Lions: హైదరాబాద్ జూపార్కులో సింహాలకు కరోనా లక్షణాలు!
- జంతు ప్రదర్శనశాలలో కరోనా కలకలం
- హైదరాబాద్ జూలో 8 సింహాలకు కరోనా తరహా లక్షణాలు
- నమూనాలు సేకరించి సీసీఎంబీకి పంపిన అధికారులు
- ఈ సాయంత్రం రిపోర్టులు వచ్చే అవకాశం
- ఈ నెల 2 నుంచే జూ మూసివేత
కరోనా మహమ్మారి హైదరాబాద్ నెహ్రూ జూలాజికల్ పార్కులోనూ కలకలం రేపుతోంది. హైదరాబాద్ జూ పార్కులో 8 సింహాలు కరోనా తరహా లక్షణాలతో బాధపడుతున్నట్టు అధికారులు గుర్తించారు. ఈ సింహాల నుంచి నమూనాలు సేకరించిన అధికారులు, ఆ నమూనాలను సీసీఎంబీ (సెంటర్ ఫర్ సెల్యులర్ అండ్ మాలిక్యులర్ బయాలజీ)కి పంపించారు. సింహాల కొవిడ్ పరీక్షల రిపోర్టులు ఇవాళ వచ్చే అవకాశం ఉందని అధికారులు తెలిపారు. కరోనా వ్యాప్తి నేపథ్యంలో అధికారులు ఈ నెల 2 నుంచే జూ పార్కును మూసివేశారు.
