You Tube: ఈసారి.. ట్రంప్ యూట్యూబ్ ఛానెల్ నిలిపివేత‌!

  • ఇప్ప‌టికే ప‌లు సోష‌ల్ మీడియా అకౌంట్ల నిలిపివేత‌
  • తాజాగా అప్‌లోడ్ చేసిన కంటెంట్ డిలీట్
  • హింస‌ను ప్రేరేపించేలా కంటెంట్?
  • వారం  రోజుల పాటు వీడియోల‌ను అప్‌లోడ్ చేయలేరు
You Tube Suspends Trump Channel Temporarily

క్యాపిటల్‌ బిల్డింగ్ ‌పై దాడి అనంత‌రం అమెరికా అధ్య‌క్షుడు డొనాల్డ్ ట్రంప్ పై తీవ్ర విమ‌ర్శ‌లు వ‌స్తోన్న నేప‌థ్యంలో ఇప్ప‌టికే  ఆయ‌న అధికారిక‌ ట్విట్ట‌ర్ అకౌంట్‌ను ఆ సంస్థ‌ బ్యాన్ చేసింది. అలాగే, ఇప్ప‌టికే ఫేస్‌బుక్, ఇన్‌స్టాగ్రామ్, స్నాప్‌చాట్ వంటి ఖాతాలు తాత్కాలికంగా నిలిచిపోయాయి.
 
ఇప్పుడు ఆయ‌న‌ యూట్యూబ్ ఖాతాను కూడా తాత్కాలికంగా స‌స్పెండ్ చేస్తున్న‌ట్లు ఆ సంస్థ‌ ప్ర‌క‌టించింది. అందులో తాజాగా అప్‌లోడ్ చేసిన కంటెంట్‌ను యూట్యూబ్ డిలీట్ చేసింది. యూట్యూబ్ నిబంధ‌న‌ల‌ను అందులో ఉల్లంఘించిన‌ట్లు  యూట్యూబ్ తెలిపింది.  

హింస‌ను ప్రేరేపించేలా అందులో కంటెంట్ ఉండ‌డంతో యూట్యూబ్ ఈ చ‌ర్య‌లు తీసుకున్న‌ట్లు స‌మాచారం. వారం  రోజుల పాటు ట్రంప్ త‌న‌ ఛాన‌ల్‌లో వీడియోల‌ను అప్‌లోడ్ చేయలేరు. కాగా, ట్రంప్ ఛాన‌ల్‌పై చ‌ర్య‌లు తీసుకోవాలంటూ కొన్ని సామాజిక సంఘాలు డిమాండ్ చేయ‌డంతో యూట్యూబ్ ఈ చ‌ర్య‌లు తీసుకున్న‌ట్లు తెలుస్తోంది.

ఆ ఛానెల్ పై చ‌ర్య‌లు తీసుకోక‌పోతే దానికి వాణిజ్య ప్ర‌క‌ట‌నల‌ను నిలిపివేసేలా ప్ర‌చారం చేప‌డుతామ‌ని ఆ సంస్థ‌లు హెచ్చ‌రించాయి.  అందులో ఎన్నిక‌ల గురించి  అస‌త్య ప్ర‌చారాలు చేస్తున్న‌ట్లు ఆరోపించాయి. అధ్య‌క్ష‌ ఎన్నిక‌ల్లో మోసం జ‌రిగిన‌ట్లు ఓ వీడియోలో ట్రంప్ వ్యాఖ్య‌లు చేశారు. ఆయ‌న ఛాన‌ల్‌కు 2.77 మిలియ‌న్ల స‌బ్‌స్క్రైబ‌ర్లు ఉన్నారు.

More Telugu News