Chandrababu: రామతీర్థం ఘటన.. టీడీపీ అధినేత చంద్రబాబుపై కేసు నమోదు
- రామతీర్థంలో విజయసాయిరెడ్డి కారుపై రాళ్లదాడి
- చంద్రబాబే చేయించారంటూ కేసు నమోదు
- అచ్చెన్నాయుడు, కళా వెంకట్రావులపైనా కేసులు
విజయనగరం జిల్లా రామతీర్థం ఘటనకు సంబంధించిన వ్యవహారంలో టీడీపీ అధినేత, మాజీ ముఖ్యమంత్రి నారా చంద్రబాబునాయుడుపై కేసు నమోదైంది. వైసీపీ ఎంపీ విజయసాయిరెడ్డి కారుపై జరిగిన రాళ్ల దాడికి చంద్రబాబే కారణమని, ఆయనే ఆ దాడి చేయించారంటూ నెల్లిమర్ల పోలీస్ స్టేషన్‌లో కేసు నమోదైంది. అలాగే, ఆ పార్టీ సీనియర్ నేతలు అచ్చెన్నాయుడు, కళా వెంకట్రావులపైనా కేసులు నమోదు చేసినట్టు పోలీసులు తెలిపారు. ఈ ముగ్గురిపైనా పీడీపీపీ యాక్ట్‌ కింద కేసులు నమోదైనట్టు పేర్కొన్నారు.
