suicide: బావిలో దూకి ఆత్మహత్య చేసుకున్న ప్రేమజంట
- మహబూబాబాద్‌ జిల్లాలోని గార్ల మండలంలో ఘటన
- పెళ్లి బంధంతో ఒక్కటవ్వాలనుకున్న జంట
- వారి ప్రేమకు పెద్దలు అడ్డు
- మనస్తాపం చెంది ఆత్మహత్య
వారిద్దరు కొంత కాలంగా ప్రేమించుకుంటున్నారు.. పెళ్లి బంధంతో ఒక్కటవ్వాలనుకున్నారు. అయితే, వారి ప్రేమకు పెద్దలు అడ్డు చెప్పారు. దీంతో పెద్దలను ఎదిరించి జీవించలేక, ఒకరినొకరు విడిచి ఉండలేక తనువు చాలించారు. ఈ విషాద ఘటన మహబూబాబాద్‌ జిల్లాలోని గార్ల మండలం రాజుతండ పరిధిలోని వడ్ల తండ శివారులో చోటు చేసుకుంది.
అక్కడి ఓ బావిలో ఓ జంట మృతదేహాలు కనపడడంతో స్థానికులు పోలీసులకు సమాచారం అందించారు. ఆ అబ్బాయి, అమ్మాయిని గుగులోత్‌ ప్రశాంత్‌, భూక్య ప్రవీణగా పోలీసులు గుర్తించారు. గత కొంతకాలంగా ప్రేమించుకుంటున్నట్లు తెలుసుకున్నారు. వారి పెళ్లికి పెద్దలు ఒప్పుకోకపోవడంతో మనస్తాపం చెంది ఆత్మహత్య చేసుకున్నట్లు స్థానికులు చెబుతున్నారు.
