Pawan Kalyan: ‘గమనం’ తెలుగు ట్రైలర్ విడుదల చేసిన పవన్ కల్యాణ్!
- ప్యాన్‌ ఇండియా మూవీగా 'గమనం'
- తెలుగు, తమిళ, కన్నడ, మలయాళ, హిందీ భాషల్లో సినిమా
- కీలక పాత్రల్లో శ్రియ, నిత్యామీనన్, ప్రియాంక జవాల్కర్
ప్యాన్‌ ఇండియా మూవీ 'గమనం' తెలుగు ట్రైలర్‌ను ఈ రోజు పవర్ స్టార్ పవన్ కల్యాణ్ విడుదల చేశారు. తెలుగు, తమిళ, కన్నడ, మలయాళ, హిందీ భాషల్లో ఈ సినిమా విడుదల కాబోతుంది. హిందీ వర్షన్ ట్రైలర్ ను సోనూసూద్, తమిళ ట్రైలర్ ను జయం రవి, కన్నడలో శివరాజ్ కుమార్, మలయాళ వర్షన్ ట్రైలర్ ను ఫహద్ ఫసిల్ విడుదల చేశారు.
ఈ సినిమాకు సాయిమాధ‌వ్ బుర్రా మాటలు రాశారు. రమేశ్ క‌రుటూరి, వెంకీ పుషా‌డ‌పు సంయుక్తంగా ఈ చిత్రాన్ని నిర్మిస్తున్నారు. సునారావు దర్శకత్వం వహిస్తున్న ఈ సినిమాకు ఇళయరాజా స్వరాలు సమకూరుస్తున్నారు.
ఈ సినిమాలో శ్రియ, నిత్యామీనన్, ప్రియాంక జవాల్కర్ కీలక పాత్రల్లో నటించారు. ఇందులో బధిర యువతిగా నటించిన శ్రియ ఒళ్లో చంటిబిడ్డతో కనపడుతోంది. మూడు కథలను పరిచయం చేస్తూ గమనం ట్రైలర్ ను విడుదల చేశారు.
