marshall islands: మార్షల్ దీవుల్లో తొలిసారి వెలుగుచూసిన కరోనా.. యూఎస్ మిలటరీ బేస్‌లో ఇద్దరికి సంక్రమణ
- బాధితులు ఇద్దరూ ఒకే విమానంలో వచ్చిన వైనం
- వారి ద్వారా వైరస్ ఇతరులకు సంక్రమించలేదన్న అధికారులు
- కట్టడికి కొత్తగా ఎటువంటి చర్యలు చేపట్టలేదని వివరణ
ఇన్నాళ్లూ కరోనా మహమ్మారికి దూరంగా ఉన్న మార్షల్ ఐలండ్స్‌లో తొలిసారి రెండు కరోనా కేసులు వెలుగుచూశాయి. ఖ్వజాలిన్ అటోల్ ప్రాంతంలోని యూఎస్ మిలటరీ బేస్‌లో ఇద్దరికి ఈ వైరస్ సంక్రమించింది. ఈ నెల 27న వీరిద్దరూ హవాయి ప్రాంతం నుంచి ఒకే విమానంలో వచ్చినట్టు గుర్తించారు.
అయితే, వీరి ద్వారా ఇతరులకు ఈ వైరస్ సంక్రమించలేదని స్పష్టం చేసిన అధికారులు వైరస్ కట్టడికి కొత్త నిబంధనలు అమలు చేయబోవడం లేదన్నారు. కాగా, చిన్న దేశాలైన సమోవా, టోంగా, నౌరు వంటి దీవులు అత్యంత అప్రమత్తంగా ఉండడంతో ఇప్పటి వరకు ఆ దీవులను వైరస్ తాకలేకపోయింది.
