vijaykant: ఆరోగ్య పరీక్షల నిమిత్తం ఆసుపత్రిలో చేరిన సినీ నటుడు విజయకాంత్
- గత నెల 22న కరోనా
- చెన్నైలోని ఓ ప్రైవేటు ఆసుపత్రిలో చికిత్స
- కోలుకున్న కొన్ని రోజులకే మళ్లీ ఆసుపత్రిలో చేరిక
చాలా కాలంగా అనారోగ్య సమస్యలతో బాధపడుతోన్న డీఎండీకే అధినేత, సినీ నటుడు విజయకాంత్ మరోసారి ఆసుపత్రిలో చేరారు. గత నెల 22న చెన్నైలోని ఓ ప్రైవేటు ఆసుపత్రిలో ఆయనకు కొవిడ్‌-19 సోకిందని తేల్చారు. అనంతరం చికిత్స తీసుకున్న విజయకాంత్ కోలుకున్నాక ఈ నెల 2న ఆసుపత్రి నుంచి డిశ్చార్జ్‌ అయ్యారు.
నిన్న సాయంత్రం ఆయన మరోసారి అస్వస్థతకు గురి కావడంతో మళ్లీ ఆసుపత్రిలో చేరారు. కాగా, ఆయన ఆరోగ్య పరిస్థితిపై సామాజిక మాధ్యమాల్లో ఎన్నో వదంతులు వస్తున్నాయి. దీంతో డీఎండీకే పార్టీ దీనిపై ప్రకటన చేసింది. విజయకాంత్ ఆరోగ్యంగానే ఉన్నారని తెలిపింది. తదుపరి ఆరోగ్య పరీక్షల నిమిత్తం ఆయన చెన్నైలోని ఓ ప్రైవేటు ఆసుపత్రిలో చేరారని, సామాజిక మాధ్యమాల్లో ఆయన గురించి వస్తోన్న వార్తలను నమ్మవద్దని చెప్పింది.
