Telangana Assembly: కరోనా ఎఫెక్ట్: నిరవధికంగా వాయిదా పడిన తెలంగాణ అసెంబ్లీ
- పెరుగుతున్న కరోనా వ్యాప్తి
- అసెంబ్లీలో 52 మందికి పాజిటివ్
- బీఏసీ సూచనలకు అనుగుణంగా వాయిదా నిర్ణయం తీసుకున్న స్పీకర్
గత కొన్నిరోజులుగా జరుగుతున్న తెలంగాణ అసెంబ్లీ సమావేశాలు నిరవధికంగా వాయిదా పడ్డాయి. ఓవైపు కరోనా వ్యాప్తి అధికమవుతున్న నేపథ్యంలో బీఏసీ సూచనలను పరిగణనలోకి తీసుకున్న స్పీకర్ పోచారం శ్రీనివాసరెడ్డి ఈ మేరకు ప్రకటన చేశారు.
అసెంబ్లీ సమావేశాల సందర్భంగా నిర్వహించిన వైద్య పరీక్షల్లో ఓ ఎమ్మెల్యే సహా 52 మందికి కరోనా పాజిటివ్ అని తేలింది. వారిలో అసెంబ్లీ సిబ్బంది, పోలీసులు, గన్ మన్లు, డ్రైవర్లు, పాత్రికేయులు కూడా ఉన్నారు. ఈ విషయాన్ని ఎమ్మెల్యేలు స్పీకర్ పోచారంకు నివేదించారు. దాంతో ఆయన బీఏసీ సమావేశం నిర్వహించి పార్టీల నుంచి అభిప్రాయాలు స్వీకరించారు.
ఈ క్రమంలో వచ్చిన సూచనల మేరకు అసెంబ్లీ నిరవధిక వాయిదా నిర్ణయం తీసుకున్నారు. అసెంబ్లీ సమావేశాలు సాఫీగా సాగేందుకు సహకరించిన సభ్యులకు ఆయన ధన్యవాదాలు తెలిపారు.
ఈసారి సమావేశాలకు ఓ ప్రత్యేకత ఉంది. చారిత్రాత్మక నూతన రెవెన్యూ చట్టం బిల్లుకు ఆమోదం లభించింది. అంతేకాదు, విప్లవాత్మక మార్పులతో కూడిన తెలంగాణ బీ పాస్ చట్టం బిల్లు కూడా సభ ఆమోదం పొందింది.
అసెంబ్లీ సమావేశాల సందర్భంగా నిర్వహించిన వైద్య పరీక్షల్లో ఓ ఎమ్మెల్యే సహా 52 మందికి కరోనా పాజిటివ్ అని తేలింది. వారిలో అసెంబ్లీ సిబ్బంది, పోలీసులు, గన్ మన్లు, డ్రైవర్లు, పాత్రికేయులు కూడా ఉన్నారు. ఈ విషయాన్ని ఎమ్మెల్యేలు స్పీకర్ పోచారంకు నివేదించారు. దాంతో ఆయన బీఏసీ సమావేశం నిర్వహించి పార్టీల నుంచి అభిప్రాయాలు స్వీకరించారు.
ఈ క్రమంలో వచ్చిన సూచనల మేరకు అసెంబ్లీ నిరవధిక వాయిదా నిర్ణయం తీసుకున్నారు. అసెంబ్లీ సమావేశాలు సాఫీగా సాగేందుకు సహకరించిన సభ్యులకు ఆయన ధన్యవాదాలు తెలిపారు.
ఈసారి సమావేశాలకు ఓ ప్రత్యేకత ఉంది. చారిత్రాత్మక నూతన రెవెన్యూ చట్టం బిల్లుకు ఆమోదం లభించింది. అంతేకాదు, విప్లవాత్మక మార్పులతో కూడిన తెలంగాణ బీ పాస్ చట్టం బిల్లు కూడా సభ ఆమోదం పొందింది.
