Trump Pills: ట్రంప్ తల ఆకారంలో మత్తు మాత్రలు... తయారీదారుల క్రియేటివిటీకి బ్రిటన్ పోలీసులు ఫిదా!
- ఓ వ్యక్తిని అరెస్ట్ చేసిన బెడ్ ఫోర్డ్ షైర్ పోలీసులు
- అతడి నుంచి ఆరెంజ్ రంగులో ఉన్న మాత్రలు స్వాధీనం
- ట్రంప్ పిల్స్ గా అమ్మకాలు సాగిస్తున్న వైనం
తాజాగా బ్రిటన్ లో బెడ్ ఫోర్డ్ షైర్ పోలీసులు ఓ వ్యక్తిని అరెస్ట్ చేసి అతడి నుంచి మాదకద్రవ్యాలను స్వాధీనం చేసుకున్నారు. వాటిలో ఆరెంజ్ కలర్ లో ఉన్న మాత్రలను చూసి పోలీసులు ఆశ్చర్యపోయారు. ఆ మాత్రలు అచ్చం అమెరికా అధ్యక్షుడు డొనాల్డ్ ట్రంప్ తలను పోలివున్నాయి. ట్రంప్ తలకట్టును ఆధారంగా చేసుకుని ఆ మాత్రను డిజైన్ చేసిన వాటి తయారీదార్ల క్రియేటివిటీకి బ్రిటన్ పోలీసులు ఆశ్చర్యపోయారు.
కాగా, ఈ ఆరెంజ్ కలర్ మాత్రలను ట్రంప్ పిల్స్ పేరుతో అమ్మకాలు సాగిస్తుంటారని బ్రిటన్ పోలీసుల దర్యాప్తులో వెల్లడైంది. వీటిలో ప్రమాదకరమైన ఎండీఎంఏ అనే పదార్థం ఉంటుందని, వీటిని వాడితే గొంతు ఎండిపోయి, హృదయస్పందన వేగం పుంజుకుంటుందని, తీవ్ర అస్వస్థతకు గురవుతారని నిపుణులు చెబుతున్నారు.
