Kim Jong Un: దేశంలో తొలి కరోనా అనుమానిత కేసు రావడంతో ఎమర్జెన్సీ విధించిన కిమ్ జాంగ్ ఉన్
- దక్షిణ కొరియా నుంచి అక్రమంగా దేశంలోకి ప్రవేశించిన వ్యక్తి
- కరోనా లక్షణాలు ఉన్నట్టు అనుమానం
- వెంటనే పొలిట్ బ్యూరో సమావేశం ఏర్పాటు చేసిన కిమ్
ఇన్నాళ్లు కఠిన ఆంక్షలతో కరోనాను ఆమడదూరంలో నిలిపామని భావించిన ఉత్తర కొరియా కూడా చివరికి మహమ్మారి వైరస్ నుంచి తప్పించుకోలేకపోయింది. దేశంలో తొలి కరోనా అనుమానిత కేసు వెలుగుచూసింది. ఈ నేపథ్యంలో ఆ దేశాధినేత కిమ్ జాంగ్ ఉన్ దేశంలో అత్యవసర పరిస్థితి ప్రకటించారు.
కాగా, ఆ వ్యక్తి దక్షిణ కొరియా నుంచి ఉత్తర కొరియాలో అక్రమంగా చొరబడినట్టు భావిస్తున్నారు. ఆ వ్యక్తికి కరోనా ఉందన్న అనుమానాల దరిమిలా కిమ్ జాంగ్ ఉన్ వెంటనే పొలిట్ బ్యూరో సమావేశం ఏర్పాటు చేశారు. కాగా, ఆ వ్యక్తికి కరోనా పాజిటివ్ అని నిర్ధారణ అయితే దేశంలో ఇదే తొలి కేసు కానుంది. ఈ క్రమంలో ఎమర్జెన్సీ ప్రకటించిన కిమ్ సరిహద్దు నగరం కయసోంగ్ లో లాక్ డౌన్ ప్రకటించారు.
