Andhra Pradesh: ఆంధ్రప్రదేశ్ లో ఈ సంవత్సరం అన్ని రకాల అవార్డులు రద్దు!
- రోజురోజుకూ పెరుగుతున్న కరోనా ఉద్ధృతి
- ముందు జాగ్రత్త చర్యగా నిర్ణయం
- వెల్లడించిన సమాచార, పౌర సంబంధాల శాఖ
కరోనా వైరస్ ఉద్ధృతి రోజురోజుకూ పెరుగుతున్న వేళ, ఆంధ్రప్రదేశ్ ప్రభుత్వం కీలక నిర్ణయం తీసుకుంది. రాష్ట్రంలో వివిధ రంగాలలో విశిష్ట సేవలందించే వ్యక్తులు, సంస్థలకు ప్రకటించే అన్ని రకాల అవార్డులను 2020-21 సంవత్సరానికి రద్దు చేయాలని నిర్ణయించింది. ఈ మేరకు సమాచార పౌర సంబంధాల శాఖ కమిషనర్ ఒక ప్రకటన విడుదల చేశారు. కాగా, కరోనా వ్యాప్తిని నిరోధించేందుకు ముందు జాగ్రత్త చర్యగానే ఈ నిర్ణయం తీసుకున్నట్టు ఉన్నతాధికారులు వెల్లడించారు. ఏపీలో కొత్తగా 998 పాజిటివ్ కేసులు రాగా, మొత్తం కేసుల సంఖ్య 18,697కు పెరిగిన సంగతి తెలిసిందే. ఇప్పటివరకూ 232 మంది మరణించారని అధికార గణాంకాలు చెబుతున్నాయి.
