Tamannaah: సినిమా కబుర్లు.. సంక్షిప్త సమాచారం
- 'వకీల్ సాబ్'లో ప్రత్యేక పాత్రలో తమన్నా
- నెలాఖరు నుంచి ప్రభాస్ షూటింగ్
- రవితేజ తదుపరి చిత్రంలో రాశిఖన్నా
* ప్రస్తుతం పవన్ కల్యాణ్ హీరోగా 'వకీల్ సాబ్' చిత్రం రూపొందుతున్న సంగతి విదితమే. వేణు శ్రీరాం దర్శకత్వంలో దిల్ రాజు నిర్మిస్తున్న ఈ చిత్రంలో ఓ ప్రత్యేక పాత్రలో తమన్నా నటించే అవకాశం వుంది. ఈ విషయమై ప్రస్తుతం నిర్మాత ఆమెతో సంప్రదింపులు జరుపుతున్నారు.
* ప్రభాస్ హీరోగా రాధాకృష్ణ కుమార్ దర్శకత్వంలో రూపొందుతున్న చిత్రం తదుపరి షూటింగ్ ఈ నెలాఖరు నుంచి మొదలవుతుంది. హైదరాబాదులో వేస్తున్న సెట్స్ లో ఈ షూటింగ్ నిర్వహిస్తారు. పూజ హెగ్డే కథానాయికగా నటిస్తున్న ఈ చిత్రానికి 'రాధే శ్యామ్' అనే టైటిల్ని పరిశీలిస్తున్నారు.
* ప్రస్తుతం తమిళంలో సూర్య సరసన ఓ చిత్రంలో నటిస్తున్న కథానాయిక రాశిఖన్నాకు టాలీవుడ్ నుంచి మరో ఛాన్స్ వచ్చింది. త్రినాథరావు నక్కిన దర్శకత్వంలో రవితేజ హీరోగా నటించే చిత్రంలో రాశిఖన్నాను హీరోయిన్ గా ఎంపిక చేసినట్టు సమాచారం. ప్రస్తుతం రవితేజ చేస్తున్న 'క్రాక్' చిత్రం తర్వాత ఇది మొదలవుతుంది.
