Director: చైనా వస్తువులను తగలబెట్టిన తమిళ సినీ దర్శకుడు
- చైనాపై భారతీయుల్లో వెల్లువెత్తుతున్న ఆగ్రహం
- చైనా వస్తువులను బహిష్కరిద్దామంటూ క్యాంపెయిన్ కూడా ప్రారంభం
- ఇకపై చైనా వస్తువులను కొనబోనన్న దర్శకుడు శక్తి చిదంబరం
చైనా సైనికుల దాడిలో 20 మందికి పైగా భారత జవాన్లు ప్రాణాలు కోల్పోయిన సంగతి తెలిసిందే. ఈ నేపథ్యంలో చైనాపై భారతీయులు రగిలిపోతున్నారు. చైనా వస్తువులను కొనడం ఆపేస్తే ఆ దేశానికి ఆర్థికంగా పెద్ద దెబ్బ తగులుతుందని పలువురు అంటున్నారు. బ్యాన్ చైనా ప్రాడక్ట్స్ అంటూ ఓ క్యాంపెయిన్ ని కూడా ప్రారంభించారు. ఈ నేపథ్యంలో, తమిళ సినీ దర్శకుడు శక్తి చిదంబరం తన ఇంట్లో ఉన్న చైనా వస్తువులను తగలబెట్టారు. చైనాలో తయారైన సెల్ ఫోన్లు, ఎలక్ట్రానిక్ వస్తువులు, టేప్ రికార్డర్లను కుప్పగా పోసి, నిప్పటించారు.
ఈ సందర్భంగా ఆయన మాట్లాడుతూ, చైనా సైనికులు దురాక్రమణకు పాల్పడ్డారని, మన సైనికులను హతమార్చారని చెప్పారు. చైనా వస్తువులపై నిషేధం విధించాలని... భారతీయులందరూ చైనా ఉత్పత్తులను వాడకుండా జాతీయ భావాన్ని పెంపొందించుకోవాలని కోరారు. ఇకపై తాను చైనా వస్తువులను కొనుగోలు చేయనని చెప్పారు.
