sitara: ఇంట్లో డ్యాన్స్ చేసి అదరగొట్టేసిన మహేశ్ కూతురు సితార.. వీడియో వైరల్
- వీడియో పోస్ట్ చేసిన నమ్రత
- హిప్ హాప్ పాట 'బోమ్ డిగ్గీ డిగ్గీ' కి డ్యాన్స్
- అద్భుతంగా చేసిందంటోన్న అభిమానులు
టాలీవుడ్‌ సూపర్‌స్టార్‌ మహేశ్ బాబు కూతురు సితారకు సంబంధించిన మరో డ్యాన్స్ వీడియో ఆయన అభిమానులను అలరిస్తోంది. మహేశ్ భార్య నమ్రత తమ కూతురికి సంబంధించిన ఈ వీడియోను తన ఇన్‌స్టాగ్రామ్‌ ఖాతాలో పోస్ట్ చేసింది. ఇందులో సితార డ్యాన్స్ చేసిన తీరు అభిమానులను అబ్బుర పరుస్తోంది.
ఈ వీడియోలో సితార చేతులు, కాళ్లు, నడుము కదిలిస్తూ హీరోయిన్‌లా డ్యాన్స్ చేసింది. తన తండ్రి మహేశ్ బాబు సినిమాలోని పాటలకు డ్యాన్సులు చేసే సితార ఈ సారి మాత్రం హిప్ హాప్ పాట 'బోమ్ డిగ్గీ డిగ్గీ' కి డ్యాన్స్ చేసింది. సామాజిక మాధ్యమాల్లో చిన్నతనంలోనే మంచి క్రేజ్ తెచ్చుకున్న సితారకు సంబంధించిన వీడియోలు మహేశ్ బాబు అభిమానులను అలరిస్తుంటాయి. ఆమె చేసిన ఈ తాజా డ్యాన్స్ అద్భుతమంటూ అభిమానులు కామెంట్లు చేస్తున్నారు.
