10 exams: తెలంగాణ 10వ తరగతి పరీక్షలు.. షెడ్యూల్ ఇదిగో!
- జూన్ 8 నుంచి పరీక్షలు ప్రారంభం
- షెడ్యూల్ విడుదల చేసిన టీఎస్ విద్యాశాఖ
- హైకోర్టు ఆదేశాలతో ఆగిన పదో తరగతి పరీక్షలు
కరోనా కారణంగా మధ్యలో ఆగిపోయిన తెలంగాణ 10వ తరగతి పరీక్షలు వచ్చే నెల నుంచి జరగనున్నాయి. పరీక్షల షెడ్యూల్ ను తెలంగాణ విద్యాశాఖ ప్రకటించింది. జూన్ 8న ఇంగ్లీష్ పేపర్-1, జూన్ 11న ఇంగ్లీష్ పేపర్-2, 14న గణితం పేపర్-1, 17న గణితం పేపర్-2, 20న సైన్స్ పేపర్-1, 23న సైన్స్ పేపర్-2, 26న సోషల్ స్టడీస్ పేపర్-1, 29న సోషల్ స్టడీస్ పేపర్-2 పరీక్షలు జరగనున్నాయి.
గత మార్చి 19న 10వ తరగతి పరీక్షలు మొదలైన సంగతి తెలిసిందే. అయితే కరోనా విస్తరిస్తున్న నేపథ్యంలో పరీక్షలను వాయిదా వేయాలని హైకోర్టు ఆదేశించింది. అప్పటికి 3 పరీక్షలు మాత్రమే అయ్యాయి. దీంతో, మిగిలిన 8 పరీక్షలకు రాష్ట్ర విద్యాశాఖ షెడ్యూల్ విడుదల చేసింది.
