Prabhas: మరో రికార్డును సాధించిన ప్రభాస్ మూవీ
- ప్రభాస్ నుంచి వచ్చిన మరో భారీ చిత్రం
- కథానాయికగా సందడి చేసిన శ్రద్ధా కపూర్
- ఏప్రిల్ 25న హిందీ వెర్షన్ ప్రసారం
ప్రభాస్ కథానాయకుడిగా ఆ మధ్య వచ్చిన 'సాహో' భారీ చిత్రంగా ప్రేక్షకులను ఆకట్టుకుంది. తెలుగులో కథాకథనాల పరంగా అంతగా మెప్పించలేకపోయినా, హిందీలో మాత్రం మంచి వసూళ్లనే రాబట్టింది. శ్రద్ధా కపూర్ కథానాయికగా నటించిన ఈ సినిమాలో జాకీ ష్రాఫ్ .. నీల్ నితిన్ ముఖేష్ వంటి బాలీవుడ్ స్టార్స్ నటించారు. సుజీత్ దర్శకత్వం వహించిన ఈ సినిమా హిందీ వెర్షన్ ను ఏప్రిల్ 25వ తేదీన ప్రపంచవ్యాప్తంగా ప్రసారం చేశారు.
పట్టణ ప్రాంతాల్లో 5,30 3,000 ఇంప్రెషన్స్ .. గ్రామీణ ప్రాంతాల్లో 3,300 000 ఇంప్రెషన్స్ లభించాయి. ఇలా ఈ సినిమా 8.33 మిలియన్ ఇంప్రెషన్స్ ను సొంతం చేసుకుంది. 2020లో 17వ వారంలో అత్యధిక మంది వీక్షించిన సినిమాగా ఇది కొత్త రికార్డును సృష్టించింది. ఇదే వారంలో ప్రసారమైన 'బాహుబలి ది బిగినింగ్' ఇంప్రెషన్స్ పరంగా రెండో స్థానంలో నిలిచింది. ఆ తరువాత స్థానాల్లో రజనీకాంత్ 'దర్బార్' .. అక్షయ్ కుమార్ 'హౌస్ ఫుల్ 4' .. అమితాబ్ 'సూర్యవంశ్' నిలిచాయి. కోలీవుడ్ .. బాలీవుడ్ సీనియర్ స్టార్ హీరోలకి సంబంధించిన సినిమాల ఇంప్రెషన్స్ ను ప్రభాస్ బీట్ చేయడం విశేషం.
