Prabhas: ప్రభాస్ సినిమాకి స్క్రిప్టు సిద్ధం
- 'బాహుబలి'తో పెరిగిపోయిన మార్కెట్
- నాగ్ అశ్విన్ తో అంతర్జాతీయ చిత్రం
- వివిధ దేశాలలో చిత్ర నిర్మాణం
'బాహుబలి' సినిమా తర్వాత ప్రభాస్ ఇమేజ్, మార్కెట్ ఒక్కసారిగా పెరిగిపోయాయి. అందుకు తగ్గట్టుగానే ఆయన సినిమాల బడ్జెట్ విపరీతంగా పెరిగింది. ఆయన సినిమాల నిర్మాణాన్ని కథ నుంచీ పాన్ ఇండియా దృష్టితో ప్లాన్ చేస్తున్నారు.
ఈ క్రమంలో ప్రభాస్ తో 'మహానటి' ఫేం నాగ్ అశ్విన్ ఓ భారీ చిత్రాన్ని ప్లాన్ చేశారు. ప్రముఖ చిత్ర నిర్మాణ సంస్థ వైజయంతీ మూవీస్ నిర్మించే ఈ చిత్రాన్ని అంతర్జాతీయ చిత్రంగా డిజైన్ చేస్తున్నారు. కథ, ఆర్టిస్టులు, సాంకేతిక నిపుణులు, చిత్ర నిర్మాణం.. అన్నీ అంతర్జాతీయ స్థాయిలోనే ప్లాన్ జరుగుతోంది.
తాజాగా ఈ చిత్రానికి సంబంధించిన స్క్రిప్టు పనిని దర్శకుడు నాగ్ అశ్విన్ పూర్తి చేసినట్టు, చాలా సంతృప్తికరంగా వచ్చినట్టు సమాచారం. ప్రస్తుతం రాధాకృష్ణ కుమార్ తో ప్రభాస్ చేస్తున్న సినిమా నిర్మాణం లాక్ డౌన్ ముగిసిన వెంటనే పూర్తిచేస్తారు. ఇక ఆ తర్వాత ప్రభాస్ ఈ చిత్రం షూటింగులో జాయిన్ అవుతాడట.
వివిధ దేశాల లొకేషన్లలో ఈ చిత్రం షూటింగును నిర్వహించడానికి ప్లాన్ చేస్తున్నారు. ప్రస్తుతం ప్రీ ప్రొడక్షన్ పనులు ముమ్మరంగా జరుగుతున్నాయి. ఈ చిత్రం ప్రభాస్ ఇమేజ్ ని మరో మెట్టు ఎక్కిస్తుందన్న అభిప్రాయాలు టాలీవుడ్ లో వ్యక్తమవుతున్నాయి.
