Prabhas: ప్రభాస్ తో పెళ్లి వార్తలపై స్పందించిన నాగబాబు కుమార్తె నిహారిక!
- ప్రభాస్ తో నిహారిక వివాహం జరగనుందని వార్తలు
- అవన్నీ అవాస్తవమని స్పష్టీకరణ
- వరుణ్ తేజ్ బావే అయినా అన్నయ్యతో సమానమని వ్యాఖ్య
టాలీవుడ్ లో మోస్ట్ ఎలిజబుల్ బ్యాచిలర్ గా ఉన్న ప్రభాస్ పెళ్లి గురించి వచ్చినన్ని వార్తలు మరే ఇతర బ్రహ్మచారి హీరోపైనా రాలేదంటే అతిశయోక్తి కాదు. గత కొంతకాలంగా ప్రభాస్ వివాహం, నాగబాబు తనయ నిహారికతో జరగనుందన్న వార్త కూడా వచ్చింది. తాజాగా, ఆన్ లైన్ మాధ్యమంగా ఫ్యాన్స్ అడిగిన ప్రశ్నలకు నిహారిక సమాధానాలు ఇచ్చింది.
ఇందులో భాగంగా ఓ అభిమాని, "మీరు ప్రభాస్ ను వివాహం చేసుకుంటున్నారా?" అని ప్రశ్నించాడు. దీనికి నీహారిక సమాధానం ఇస్తూ, తాను ప్రభాస్ ను ప్రేమించడం లేదని, పెళ్లి వార్తలు కూడా అవాస్తవమని తేల్చి చెప్పింది. మిమ్మల్ని నిరాశపరుస్తున్నందుకు క్షమించాలని కోరింది. ఇక మరో ప్రశ్నకు సమాధానంగా సాయిధరమ్ తేజ్ తనకు వరసకు బావే అయినప్పటికీ, అన్నయ్యతో సమానమని, తమ కుటుంబంలో తనకు వైష్ణవ్ తేజ్ బాగా దగ్గరని వ్యాఖ్యానించింది.
