Nara Lokesh: ఈ ఐదు సూత్రాలు కచ్చితంగా పాటించి కరోనా వ్యాప్తిని అరికడదాం: నారా లోకేశ్

• రాష్ట్రంలో కరోనా ఉద్ధృతి
• లాక్ డౌన్ విధించిన ప్రభుత్వం
• ఆరోగ్య సూత్రాలను ట్వీట్ చేసిన నారా లోకేశ్

---

టీడీపీ జాతీయ ప్రధాన కార్యదర్శి నారా లోకేశ్ కరోనా నివారణ చర్యలను ట్విట్టర్ లో వివరించారు. ఈ మేరకు ఓ వీడియోను ట్వీట్ చేశారు. ఈ వీడియో చివర్లో టీడీపీ అధినేత చంద్రబాబునాయుడు సందేశాన్ని కూడా జతచేశారు.

లోకేశ్ చెప్పిన ఐదు సూత్రాలు ఇవే...

•  వైరస్ వ్యాప్తిని అరికట్టే క్రమంలో సాధ్యమైనంత వరకు ఇంట్లోనే ఉండాలి.
• తరచుగా చేతులను కడుగుతూ ఉండండి.
• దగ్గినా, తుమ్మినా మీ చేతులను తప్పనిసరిగా అడ్డుపెట్టుకోండి.
• ముఖాన్ని అసలు ముట్టుకోవద్దు.
• సామాజిక దూరం కచ్చితంగా పాటించండి.

ఈ ఐదు సూత్రాలను పాటించడం ద్వారా కరోనాను ఆమడదూరంలో ఉంచొచ్చని నారా లోకేశ్ తెలిపారు. కాగా, కరోనా విజృంభణతో తెలుగు రాష్ట్రాల్లో ఈ నెల 31 వరకు లాక్ డౌన్ విధించిన సంగతి తెలిసిందే. రవాణా వ్యవస్థ పూర్తిగా నిలిచిపోయింది. జనజీవనం కూడా బాగా మందగించింది.