West Godavari District: వైసీపీ ప్రభుత్వం తీరుపై ఎన్నికల సంఘానికి ఫిర్యాదు చేశాం: జీవీఎల్‌
- విపక్ష అభ్యర్థులపై దాడులు సరికాదు
- ముఖ్యమంత్రి జగన్‌ దీనిపై స్పందించాలి
- మంత్రులు, ఎమ్మెల్యేలను కట్టడి చేయాలి
స్థానిక సంస్థల ఎన్నికల నేపథ్యంలో ఏపీలో విపక్ష పార్టీల అభ్యర్థులపట్ల అధికార పార్టీ వ్యవహరిస్తున్న తీరు సరిగా లేదని, దీనిపై ఎన్నికల సంఘానికి ఫిర్యాదు చేశామని రాజ్యసభ సభ్యుడు, బీజేపీ అధికార ప్రతినిధి జి.వి.ఎల్‌.నరసింహారావు అన్నారు. ఈ రోజు ఆయన పశ్చిమగోదావరి జిల్లాలో మీడియా ప్రతినిధులతో మాట్లాడారు. ముఖ్యంగా ఎమ్మెల్యేలు, మంత్రుల తీరు సరిగా లేదని, ఈ విషయంలో ముఖ్యమంత్రి వై.ఎస్‌.జగన్‌మోహన్‌రెడ్డి స్పందించాలని ఆయన డిమాండ్‌ చేశారు. పరిస్థితులు చూస్తుంటే జగన్‌కు ప్రజాస్వామ్యంపై విశ్వాసం సన్నగిల్లినట్లు అనిపిస్తోందన్నారు.
