Alla Ramakrishnareddy: కూలిన వివాహ వేదిక.. స్వల్పంగా గాయపడిన మంగళగిరి ఎమ్మెల్యే
- ఉండవల్లిలో వివాహ వేడుకకు హాజరైన ఆళ్ల రామకృష్ణారెడ్డి
- ఆర్కే వధూవరులను ఆశీర్వదిస్తుండగా ఘటన
- ఎమ్మెల్యే కుడికాలికి గాయం
- గుంటూరు ఆసుపత్రిలో చికిత్స
మంగళగిరి ఎమ్మెల్యే ఆళ్ల రామకృష్ణారెడ్డి (ఆర్కే) కాలికి గాయమైంది. ఉండవల్లిలో ఓ పెళ్లికి హాజరైన ఆర్కే, ఉన్నట్టుండి పెళ్లి వేదిక కూలిపోవడంతో స్వల్పంగా గాయపడ్డారు. ఆర్కే వధూవరులను ఆశీర్వదిస్తుండగా ఈ ఘటన జరిగింది. వేదికతోపాటే ఆయన కూడా కిందపడిపోయారు. కుడిపాదానికి దెబ్బతగలడంతో గుంటూరు ఆసుపత్రిలో చికిత్స పొందారు. కాగా, ఎమ్మెల్యే కిందపడిపోవడంతో పెళ్లి వేడుకలో కాసేపు ఆందోళనకర వాతావరణం నెలకొంది.
