CAA: కాపాడాలంటూ ఒక్కరోజే 7,500 ఫోన్లు వచ్చాయి.. ఢిల్లీ అల్లర్లలో ఆదివారం రాత్రి నుంచీ ఇదే పరిస్థితి
- మంగళవారం ఢిల్లీలో భారీగా విధ్వంసం
- అంతకు ముందురోజు సోమవారం కూడా 3,500 కాల్స్ వచ్చాయన్న పోలీసులు
- ఆదివారం అర్ధరాత్రి నుంచీ ఇదే పరిస్థితి
ఢిల్లీలో ఆదివారం అర్ధరాత్రి నుంచి మొదలైన ఆందోళనలు, అల్లర్లలో బాధితులు తమను కాపాడాలంటూ పోలీసు హెల్ప్ లైన్ కు ఫోన్లు చేశారు. తామున్న ప్రాంతాల్లో విధ్వంసం జరుగుతోందని, అల్లరి మూకల నుంచి తమను కాపాడాలని కంట్రోల్ రూమ్ కు వేల సంఖ్యలో కాల్స్ చేశారు. ఢిల్లీ పోలీస్ కంట్రోల్ రూమ్ కు తమను రక్షించాలంటూ మంగళవారం ఒక్క రోజే 7,500 ఫోన్ కాల్స్ వచ్చాయి. అంతకుముందు రోజు సోమవారం 3,500 మంది, తర్వాత బుధవారం 1,500 మంది పోలీసులకు ఫోన్లు చేశారు.
