KTR: ఈ పోలీసుల అమానవవీయ చర్యలను హోంమంత్రి, డీజీపీ దృష్టికి తీసుకెళతా: కేటీఆర్
- హైదరాబాద్ లో ఓ ప్రైవేటు కాలేజీలో విద్యార్థిని అనుమానాస్పద మృతి
- మృతదేహాన్ని తరలిస్తుండగా అడ్డుకున్న విద్యార్థిని తండ్రి
- కాలితో తన్నిన పోలీసులు
- తీవ్ర అభ్యంతరం వ్యక్తం చేసిన కేటీఆర్
హైదరాబాద్ లోని పటాన్ చెరులో ఓ ప్రైవేటు కాలేజీ విద్యార్థిని అనుమానస్పద పరిస్థితుల్లో మృతి చెందింది. అయితే ఆమె మృతదేహాన్ని పోలీసులు హడావుడిగా తరలిస్తుండడంతో, ఆమె తండ్రి పోలీసులను అడ్డుకోగా, ఆ పోలీసులు ఆయనను కాలితో తన్నడం తీవ్ర విమర్శలపాలవుతోంది. దీనికి సంబంధించిన వీడియోను ఓ నెటిజన్ ట్వీట్ చేయగా, మంత్రి కేటీఆర్ తీవ్ర విచారం వ్యక్తం చేశారు. ఈ పోలీసులు ఇంత ఆటవికంగా ప్రవర్తించిన వైనాన్ని హోంమంత్రి మహమూద్ అలీ, డీజీపీల దృష్టికి తీసుకెళతానని ప్రకటించారు. కష్టకాలంలో బాధితుల పట్ల ప్రభుత్వ అధికారులు సానుభూతి ప్రదర్శించాలని ఎవరైనా ప్రాథమికంగా కోరుకుంటారని ట్వీట్ చేశారు.
