Congress: ట్రంప్ కు స్వాగతం చెప్పే జాబ్స్.. అప్లై చేసుకోండి.. ప్రధాని మోదీపై కాంగ్రెస్ సెటైర్
![In Swipe At PM Congress Tweets On Jobs To Welcome Trump](https://imgb.ap7am.com/thumbnail/tn-3960777aa1d7.jpg)
- దేశంలో ఉద్యోగాల భర్తీ చేపట్టడం లేదంటూ ఆగ్రహం
- రెండు కోట్ల ఉద్యోగాలు ఇస్తానన్నారు ఏమైందని నిలదీత
- ట్రంప్ పర్యటన నేపథ్యంలో మోదీని విమర్శిస్తూ ట్వీట్లు
దేశంలో ఆర్థిక వ్యవస్థ మందగించిందని, నిరుద్యోగం పెరిగిపోయినా ప్రధాని మోదీ పట్టించుకోవడం లేదంటూ కాంగ్రెస్ పార్టీ మండిపడింది. ట్రంప్ పర్యటన నేపథ్యంలో ప్రధాని మోదీని టార్గెట్ చేస్తూ ట్విట్టర్ లో ట్వీట్లు చేసింది. అహ్మదాబాద్ లో ట్రంప్ కు స్వాగతం పలికేందుకు భారీగా ఏర్పాట్లు చేస్తున్న విషయాన్ని ప్రస్తావిస్తూ.. ‘‘రెండు కోట్ల ఉద్యోగాలు ఇస్తామన్న మోదీ హామీలో భాగంగా 69 లక్షల ఖాళీలు రెడీ చేశారు. ట్రంప్ కు స్వాగతం చెప్పే జాబ్స్.. అప్లై చేసుకోండి” అంటూ సెటైర్ వేసింది.