Arya: కండలను పెంచి.. షాక్ ఇస్తున్న దక్షిణాది హీరో!
- తన 30వ చిత్రం కోసం శ్రమించిన ఆర్య
- నీ హార్డ్ వర్క్ ప్రతి ఒక్కరికీ స్ఫూర్తి
- అభినందిస్తున్న ఇండియన్ స్టార్స్
ఒకప్పటి హాలీవుడ్ సూపర్ స్టార్లు సిల్వెస్టర్ స్టాలోన్, ఆర్నాల్డ్ స్వార్జ్ నెగ్గర్ ను గుర్తుకు తెస్తున్న ఈ ఇండియన్ హీరో ఎవరో చెప్పగలరా? ముఖం కనిపించకుండా కేవలం వెనుక నుంచి కండలను చూపుతున్న ఇతను దక్షిణాదికి సుపరిచితుడే. తెలుగులోనూ నటించాడు. తన 30వ సినిమా కోసం ఎంతో తీవ్రంగా శ్రమించి, ఈ కండలను పెంచాడు. అతనెవరో కాదు. తమిళ హీరో ఆర్య.
తన కొత్త సినిమాకు సంబంధించిన వివరాలను చెబుతానని ఇటీవల ప్రకటించిన ఆర్య, ఓ ట్వీట్ లో ఈ ఫొటోను పోస్ట్ చేశాడు. "మీరంతట మీరు బలవంతులుగా మారేంత వరకు తెలియదు మీరెంత బలవంతులో" అని దీనికో క్యాప్షన్ కూడా పెట్టాడు. ఈ ఫొటోను చూసిన వారంతా, ఆర్య హార్డ్ వర్క్ ప్రతి ఒక్కరికీ స్ఫూర్తిగా నిలుస్తుందని కితాబిస్తున్నారు. పలువురు ఇండియన్ స్టార్స్ నుంచి ఆర్యకు అభినందనలు వెల్లువెత్తుతున్నాయి. అన్నట్టు ఆర్య, అల్లు అర్జున్ హీరోగా నటించిన 'వరుడు' చిత్రంలో విలన్ గా నటించిన సంగతి తెలిసిందే.
