Mount Merapi: ఇండోనేషియాలో పేలిన అగ్నిపర్వతం.. భారీగా ఎగిసిపడుతున్న లావా
- రెండు కిలోమీటర్ల ఎత్తున పొగ
- చుట్టూ పది కిలోమీటర్ల విస్తీర్ణంలో దుమ్ము, ధూళి
- హై అలర్ట్ ప్రకటించిన అధికారులు
ప్రపంచంలోని పెద్ద అగ్నిపర్వతాల్లో ఒకటైన ఇండోనేషియాలోని మౌంట్ మెరపి గురువారం బద్దలైంది. భారీ ఎత్తున లావా ఉప్పొంగుతోంది. రెండు కిలోమీటర్ల (6,500 ఫీట్ల) ఎత్తున దుమ్ము, పొగ కమ్ముకుంది. సుమారు పది కిలోమీటర్ల విస్తీర్ణంలో బూడిద, దుమ్ము వర్షంలా కురుస్తున్నాయి. దాంతో ఆ ప్రాంతం మీదుగా ప్రయాణించే విమానాలను దారి మళ్లించారు. జాగ్రత్తగా ఉండాలని సమీపంలోని ప్రజలను హెచ్చరించారు. అగ్నిపర్వతానికి చుట్టూ మూడు కిలోమీటర్ల పరిధిలోని డేంజర్ జోన్ పరిధిలోకి వెళ్లకూడదని ఆదేశాలు జారీ చేశారు.
