IYR Krishna Rao: జగన్ పై సున్నిత విమర్శలు గుప్పించిన ఐవైఆర్
- ఎక్కడ నుంచి పని చేయాలనేది నా ఇష్టం అని జగన్ చెబుతున్నారు
- గతంలో కూడా కేసీఆర్ ఇలాంటి వ్యాఖ్యలే చేశారు
- ఇతర వ్యవస్థలు కుప్పకూలడానికి ఇలాంటి నిర్ణయాలు దారి తీస్తాయి
ఏపీ ముఖ్యమంత్రి జగన్ ను ఉద్దేశించి ఏపీ ప్రభుత్వ మాజీ ప్రధాన కార్యదర్శి ఐవైఆర్ కృష్ణారావు ఆసక్తికర వ్యాఖ్యలు చేశారు. తాను ఎక్కడి నుంచి పనిచేయాలన్నది తన ఇష్టం అని ఏపీ సీఎం చెబుతుండటం ఇది రెండో సారని ఆయన అన్నారు. తెలంగాణ ముఖ్యమంత్రి కేసీఆర్ కూడా గతంలో ఇవే వ్యాఖ్యలు చేశారని గుర్తు చేశారు. ఇతర వ్యవస్థలు కుప్పకూలడానికి ఇలాంటి నిర్ణయాలు దారి తీస్తాయని అభిప్రాయపడ్డారు. రాష్ట్రంలోని అన్ని కీలక నిర్ణయాలను చీఫ్ సెక్రటరీ సహకారంతో కేబినెట్ తీసుకుంటోందని అన్నారు. ముఖ్యమంత్రి క్రమం తప్పకుండా సెక్రటేరియట్ కు వచ్చి, అక్కడ గడిపితేనే ప్రభుత్వ పనితీరు మెరుగ్గా ఉంటుందని చెప్పారు. పాలన అనేది ముఖ్యమంత్రి వ్యక్తిగత విషయం కాదని ఆయన స్పష్టం చేశారు.
