Atlas: 'అట్లాస్' సైకిల్ కంపెనీ యజమాని భార్య ఆత్మహత్య!
- అట్లాస్’ యజమాని సంజయ్ కపూర్
- ఆయన భార్య నటాష్ కపూర్ (57)
- ఢిల్లీలోని నివాసంలో ఉరివేసుకుని ఆత్మహత్య
ప్రముఖ సైకిల్స్ తయారీ సంస్థ ‘అట్లాస్’ యజమాని సంజయ్ కపూర్ భార్య నటాష్ కపూర్ (57) ఆత్మహత్యకు పాల్పడ్డారు. ఢిల్లీలోని ఔరంగజేబు లైన్ లోని నివాసంలో నిన్న మధ్యాహ్నం ఈ ఘటన జరిగింది. అయితే, ఈ ఘటనకు సంబంధించిన సమాచారం పోలీసులకు ఇవాళ తెలిసింది.
సీలింగ్ ఫ్యాన్ కు ఉరి వేసుకుని నటాష్ కపూర్ ఆత్మహత్యకు పాల్పడ్డారు. లోధీ రోడ్ లోని శ్మశాన వాటికలో ఆమె అంత్యక్రియలు నిర్వహించనున్నట్టు సమాచారం. ఘటనా స్థలంలో సూసైడ్ నోట్ లభించినట్టు ఓ వార్తా సంస్థ కథనం. నటాష్ కపూర్ ఆత్మహత్యకు పాల్పడ్డ సమయంలో ఆమె భర్త ఇంట్లో లేరని, కూతురు, కొడుకు మాత్రం ఉన్నట్టు ఆ కథనంలో పేర్కొంది. ఈ ఘటనపై పోలీసులు కేసు నమోదు చేశారు. ఆమె మృతదేహానికి గంగారామ్ ఆసుపత్రిలో పోస్టుమార్టమ్ నిర్వహించిన అనంతరం, నటాష్ మృతదేహాన్ని వారి కుటుంబసభ్యులకు అప్పగించినట్టు పోలీసులు చెప్పారు.
