Uttam Kumar Reddy: సంక్రాంతి శోభ పల్లెల్లో వెల్లివిరియాలి: టీ-పీసీసీ అధ్యక్షుడు ఉత్తమ్
- తెలంగాణ ప్రజలకు సంక్రాంతి శుభాకాంక్షలు
- పండగలను సంప్రదాయ పద్ధతిలో జరుపుకోవాలి
- నిధుల విడుదలలో ప్రభుత్వం విఫలమైందన్న ఉత్తమ్
సంక్రాంతి శోభ పల్లెల్లో వెల్లివిరియాలని టీ-పీసీసీ అధ్యక్షుడు ఉత్తమ్ కుమార్ రెడ్డి అన్నారు. తెలంగాణ ప్రజలకు సంక్రాంతి శుభాకాంక్షలు తెలిపారు. పండగలను సంప్రదాయ పద్ధతిలో ఆనందోత్సాహాలతో జరుపుకోవాలని, ప్రజలు సంతోషంగా ఉండాలని ఆకాంక్షించారు.
ఈ సందర్భంగా, త్వరలో జరగబోయే మున్సిపల్ ఎన్నికల గురించి కూడా ఆయన ప్రస్తావించారు. మున్సిపాలిటీల అభివృద్ధి కోసం కేసీఆర్ ప్రభుత్వం నిధులు విడుదల చేయడంలో విఫలమైందని ఆరోపించారు. మున్సిపాలిటీల్లో రహదారుల పరిస్థితి దారుణంగా ఉందని, టీఆర్ఎస్ ను ప్రజలు ‘ఛీ’ కొడుతున్నారని విమర్శించారు.
