Savitri: మరుసటి రోజు షూటింగ్ అనగా 'షావుకారు' జానకిని తప్పించారట
- పార్వతి పాత్ర కోసం భానుమతిని అనుకున్నారు
- సున్నితంగా తిరస్కరించిన భానుమతి
- 'షావుకారు' జానకి ప్లేస్ లోకి సావిత్రి వచ్చారన్న ఈశ్వర్
సావిత్రి .. భానుమతి .. 'షావుకారు' జానకి తెలుగు తెర కథానాయికలుగా తమదైన ముద్ర వేశారు. ఆ ముగ్గురికి సంబంధించిన ఒక ఆసక్తికరమైన విషయాన్ని గురించి సీనియర్ జర్నలిస్ట్ బీకే ఈశ్వర్ ప్రస్తావించారు. అక్కినేని నాగేశ్వరరావు గారు కథానాయకుడిగా 'దేవదాసు' నిర్మాణానికి సన్నాహాలు జరుగుతున్నాయి. ఈ సినిమాలో కథానాయికగా ముందుగా భానుమతిగారిని అనుకున్నారు. ఎందుకో తెలియదుగానీ ఆమె ఈ అవకాశాన్ని సున్నితంగా తిరస్కరించారు.
ఆ తరువాత పార్వతి పాత్రకి 'షావుకారు' జానకిని అనుకున్నారు. ఆ పాత్రకి ఆమె సరిగ్గా సరిపోతుందనే అభిప్రాయాలు ఇండస్ట్రీలో వినిపించాయి. అయితే మరుసటి రోజు షూటింగ్ అనగా, 'షావుకారు'జానకి ప్లేస్ లోకి సావిత్రిగారు వచ్చారు. ఏం జరిగిందో తెలియక అంతా ఆశ్చర్యపోయారు. జరిగినదేదైనా అది సావిత్రిగారిని అగ్రస్థాయి కథానాయికగా నిలబెట్టేసింది" అని చెప్పుకొచ్చారు.
