Four Years Girl Kidnap: ఇంటి ముందు ఆడుకుంటున్న బాలిక కిడ్నాప్
- దిశ ఘటన జరిగిన చటాన్ పల్లిలో ఘటన
- చాక్లెట్ ఆశ చూపి కిడ్నాప్ చేసిన దుండగుడు
- తోటి పిల్లలు తల్లిదండ్రులకు తెలపడంతో పోలీసులకు ఫిర్యాదు
దిశ ఘటన జరిగిన చటాన్ పల్లి గ్రామంలో.. నాలుగేళ్ల బాలిక కిడ్నాపయిన ఘటన చోటుచేసుకుంది. ఈ విషయంపై పోలీసులు చెబుతూ, గ్రామంలో మేస్త్రీగా పనిచేస్తున్న శివ అనే వ్యక్తి కుమార్తె స్నేహిత షాద్ నగర్ పబ్లిక్ స్కూల్ లో ఎల్ కేజీ చదువుతోందన్నారు. ఈ రోజు స్నేహిత పాఠశాల నుంచి వచ్చిన తర్వాత ఇంటి ముందు ఆడుకుంటున్న సమయంలో ఓ గుర్తు తెలియని వ్యక్తి ద్విచక్రవాహనంపై వచ్చి పాపకు చాక్లెట్ ఆశ చూపి తనతో తీసుకువెళ్లాడన్నారు. అక్కడే ఆడుకుంటున్న పిల్లలు ఇది గమనించి స్నేహిత తల్లిదండ్రులకు విషయం చెప్పడంతో వారు పోలీసులకు ఫిర్యాదు చేశారు. కాగా పోలీసులు కిడ్నాపయిన బాలికకోసం గాలిస్తున్నారు.
