Taneti Vanitha: ఆ అమ్మాయిని ఎంత వేధించి ఉంటారో ఆలోచిస్తేనే భయం కలుగుతోంది: ఏపీ మంత్రి తానేటి వనిత
- సంచలనం సృష్టించిన ప్రియాంక రెడ్డి ఘటన
- ఘటనను ఖండించిన ఏపీ మంత్రి తానేటి వనిత
- అమ్మాయిల పరిస్థితి భయంకరంగా తయారైందని ఆవేదన
ప్రియాంక రెడ్డి ఘటనపై ప్రజాప్రతినిధులు తీవ్ర దిగ్భ్రాంతికి లోనవుతున్నారు. తాజాగా ఏపీ శిశు సంక్షేమ శాఖ మంత్రి తానేటి వనిత ఈ ఘటనను ఖండిస్తున్నట్టు తెలిపారు. ప్రియాంక రెడ్డిని హత్య చేసిన వారిని కఠినంగా శిక్షించాలని అన్నారు. అమ్మాయిల పరిస్థితి భయంకరంగా తయారైందని ఆవేదన వ్యక్తం చేశారు. ఆ దుర్మార్గులు ప్రియాంకను ఎంత వేధించి ఉంటారో తలుచుకుంటేనే భయం వేస్తోందని వ్యాఖ్యానించారు. ఆడపిల్లలకు రక్షణ కల్పించాల్సిన బాధ్యత ప్రభుత్వానిదేనని స్పష్టం చేశారు. తమ పరిధిలో లేకపోయినా పోలీసులు రక్షణ కల్పించాలని తానేటి వనిత సూచించారు.
