Vijayawada: విజయవాడలో స్పా, మసాజ్ సెంటర్ల ముసుగులో వ్యభిచారం.. పోలీసుల దాడులు
- ఖరీదైన భవనాలను అద్దెకు తీసుకుని దందా
- దాడుల్లో పట్టుబడిన యువతులు, నిర్వాహకులు
- ఉక్కుపాదం మోపుతున్నామన్న కమిషనర్
విజయవాడలో హైటెక్ వ్యభిచార ముఠా గుట్టును పోలీసులు రట్టు చేశారు. స్పాలు, మసాజ్ సెంటర్ల పేరుతో విచ్చలవిడిగా నడుస్తున్న ఈ దందాకు పోలీసులు చెక్ పెట్టారు. ఖరీదైన భవనాలను అద్దెకు తీసుకుని అందులో స్పా, మసాజ్ సెంటర్ల పేరుతో హైటెక్ వ్యభిచారం నిర్వహిస్తున్నట్టు తమ దృష్టికి వచ్చిందని పోలీసులు తెలిపారు. దీంతో కొన్ని మసాజ్ సెంటర్లు, స్పాలపై దాడులు నిర్వహించారు.
ఈ సందర్భంగా పలువురు యువతులు, నిర్వాహకులు, విటులను పోలీసులు అదుపులోకి తీసుకున్నట్టు తెలుస్తోంది. ఈ సందర్భంగా నగర పోలీస్ కమిషనర్ ద్వారకా తిరుమలరావు మాట్లాడుతూ.. స్పాల పేరుతో వ్యభిచారం నిర్వహిస్తున్నట్టు తమ దృష్టికి వచ్చిందన్నారు. దీంతో దాడులు నిర్వహించి పలువురిని అరెస్ట్ చేసినట్టు చెప్పారు. ఇటువంటి దందాలపై ఉక్కుపాదం మోపుతున్నామని, ఉపేక్షించబోమని సీపీ హెచ్చరించారు.
